Þessi 27 ára gamli leikmaður yfirgaf Leicester City um mánaðamótin og verið að skoða tilboð frá nokkrum heimsálfum.

Hann lék 232 leiki og skoraði 61 mark á sjö árum sínum hjá Leicester en þar á undan lék hann með Manchester City.

Nígeríumaðurinn mun nú reyna fyrir sér á Spáni en hann hefur náð munnlegu samkomulagi við Sevilla.

Florian Plettenberg hjá Sky segir að Iheanacho fari í læknisskoðun hjá Sevilla á morgun og mun í kjölfarið skrifa undir samning hjá félaginu.

Iheanacho á 55 A-landsleiki fyrir Nígeríu og skorað 15 mörk.