Þorri kom til Öster frá KA á síðasta ári en ekki fengið að spila eins mikið og hann hafði vonast eftir.

Hann hefur verið að fá tækifæri inn af bekknum og nýtt það ágætlega.

Á 69. mínútu kom hann inná í stöðunni 3-1 fyrir Helsingborg, en tíu mínútum síðar lagði hann upp annað mark Öster.

Þetta var fyrsta stoðsending hans á tímabilinu en Öster er í 2. sæti með 29 stig eftir sextán leiki.

Davíð Kristján Ólafsson lék þá allan leikinn fyrir Cracovia sem vann Rakow, 1-0, í annarri umferð pólsku úrvalsdeildarinnar.

Cracovia er með fjögur stig eftir tvo leiki.