Selfoss trónir á toppnum í 2. deild karla með tveggja stiga forskot eftir leiki kvöldsins en liðið vann 6-1 stórsigur á Þrótti V. Þá kom fyrsti sigur KF í sumar en liðið KFA, 4-0, á Ólafsfirði.
Leikur Selfoss og Þróttar var í beinni textalýsingu hér á Fótbolta.net en öll mörk heimamanna komu í síðari hálfleiknum.
Guðni Sigþórsson skoraði strax á fyrstu mínútu. Aukaspyrna kom inn í teiginn og eftir smá darraðans var það Guðni sem kom boltanum í netið.
Þróttarar gátu komið sér í 2-0 tæpum tuttugu mínútum síðar en skotið hafnaði í stöng.
Selfyssingar unnu sig betur inn í leikinn áður en flautað var til loka fyrri hálfleiks.
Í þeim síðari mættu heimamenn trylltir. Aron Fannar Birgisson og Þorlákur Breki Baxter skoruðu tvö mörk á tveimur mínútum áður en Aron Fannar gerði annað mark sitt tíu mínútum síðar.
Breki gerði annað mark sitt á 67. mínútu með því að fara framhjá tveimur mönnum áður en hann setti boltann í netið. Alexander Clive Vokes kom inn af bekknum á 70. mínútu og skoraði fimmta markið aðeins mínútu síðar eftir frábæra sendingu Alfredo Sanabria.
Jose Sanchez skoraði sjötta og síðasta mark Selfyssinga á 82. mínútu eftir hornspyrnu. Mögnuð endurkoma heimamanna sem eru á toppnum með 13 stig, tveimur stigum meira en Ægir.
Víkingur Ó. gerði 1-1 jafntefli við Reyni Sandgerði í Sandgerði.
Tuttugu mínútna töf var á fyrri hálfleiknum eftir að annar af aðstoðardómurum leiksins meiddist.
Daniel Arnaud Ndi skoraði eina mark Ólafsvíkinga í leiknum.
Víkingur er í þriðja sæti með 9 stig en Reynir fer úr botnsætinu og í 9. sæti með 4 stig.
Ægir lagði KFG að velli, 2-1, á Samsungvellinum. Atli Rafn Guðbjartsson skoraði fyrra mark Ægis á 3. mínútu af stuttu færi áður en Dagur Orri Garðarsson jafnaði á 29. mínútu eftir frábæra sókn KFG.
Tuttugu mínútum fyrir leikslok skoraði Aron Fannar Hreinsson sigurmarkið með lúxusskoti fyrir utan teig, yfir markvörð KFG, í slá og inn.
KFG er í næst neðsta sæti með 3 stig en Ægir í öðru sæti með 11 stig.
KF vann þá sinn fyrsta sigur í sumar er það pakkaði KFA saman, 4-0, á Ólafsfirði.
Jonas Benedikt Schmalbach skoraði tvö mörk fyrir KF í fyrri hálfleiknum áður en þeir Þorsteinn Már Þorvaldsson og Anton Karl Sindrason bættu við tveimur í þeim síðari.
KF er á botninum með 3 stig en KFA í 5. sæti með 7 stig.
KF 4 - 0 KFA
1-0 Jonas Benedikt Schmalbach ('16 )
2-0 Jonas Benedikt Schmalbach ('45 )
3-0 Þorsteinn Már Þorvaldsson ('48 )
4-0 Anton Karl Sindrason ('90 )
Selfoss 6 - 1 Þróttur V.
0-1 Guðni Sigþórsson ('1 )
1-1 Aron Fannar Birgisson ('52 )
2-1 Þorlákur Breki Þ. Baxter ('53 )
3-1 Aron Fannar Birgisson ('62 )
4-1 Þorlákur Breki Þ. Baxter ('67 )
5-1 Alexander Clive Vokes ('71 )
6-1 Jose Manuel Lopez Sanchez ('82 )
Lestu um leikinn
KFG 1 - 2 Ægir
0-1 Atli Rafn Guðbjartsson ('3 )
1-1 Dagur Orri Garðarsson ('29 )
1-2 Aron Fannar Hreinsson ('70 )
Reynir S. 1 - 1 Víkingur Ó.
Mark Víkings: Daniel Arnaud Ndi.
2. deild karla
Lið | L | U | J | T | Mörk | mun | Stig |
---|---|---|---|---|---|---|---|
1. Selfoss | 7 | 6 | 1 | 0 | 17 - 6 | +11 | 19 |
2. Víkingur Ó. | 8 | 5 | 3 | 0 | 19 - 7 | +12 | 18 |
3. Ægir | 8 | 4 | 3 | 1 | 15 - 9 | +6 | 15 |
4. Völsungur | 8 | 4 | 1 | 3 | 17 - 11 | +6 | 13 |
5. KFA | 8 | 4 | 1 | 3 | 20 - 17 | +3 | 13 |
6. Kormákur/Hvöt | 8 | 3 | 2 | 3 | 8 - 8 | 0 | 11 |
7. Þróttur V. | 8 | 3 | 1 | 4 | 8 - 14 | -6 | 10 |
8. Höttur/Huginn | 8 | 2 | 3 | 3 | 16 - 20 | -4 | 9 |
9. Haukar | 7 | 2 | 2 | 3 | 9 - 11 | -2 | 8 |
10. KFG | 8 | 2 | 0 | 6 | 8 - 11 | -3 | 6 |
11. Reynir S. | 8 | 1 | 2 | 5 | 9 - 22 | -13 | 5 |
12. KF | 8 | 1 | 1 | 6 | 8 - 18 | -10 | 4 |
Athugasemdir