Augnablik hafði unnið alla fjóra leiki sína en ÍH aðeins unnið einn leik.

Blikarnir hafa verið fullir sjálfstrausts í byrjun sumars og kom því lítið á óvart þegar Aron Skúli Brynjarsson tók forystuna fyrir heimamenn.

Gestirnir jöfnuðu metin á 30. mínútu er Kristófer Dan Þórðarson skoraði en undir lok hálfleiksins skoruðu tvíburarnir, Andri og Brynjar Jónassynir, tvö mörk til að koma ÍH í 3-1 forystu.

ÍH náði í fjórða markið í upphafi síðari hálfleiks og þá gerði Gísli Þröstur Kristjánsson fimmta markið um tuttugu mínútum fyrir leikslok.

Aron Skúli skoraði tvö fyrir Augnablik með fjögurra mínútna millibili og tókst að fullkomna þrennu sína en lengra komust Blikarnir ekki.

Fyrsta tap sumarsins staðreynd. Augnablik heldur toppsætinu með 12 stig en ÍH flýgur upp í 7. sæti með 6 stig.

Magni er komið upp í annað sætið eftir 3-1 sigur á Sindra. Númi Kárason skoraði tvívegis fyrir Magna og Alexander Ívan Bjarnason eitt. Öll mörkin voru skoruð í síðari hálfleiknum en Magni fer upp að hlið Augnabliks með 12 stig.

Pétur Óskarsson og Hlynur Magnússon skoruðu mörk Elliða í 2-0 sigri liðsins á Vængjum Júpiters. Elliði er með 6 stig í 10. sæti deildarinnar en Vængir Júpiters í neðsta sæti með 1 stig.

Úrslit og markaskorarar:

Magni 3 - 1 Sindri
1-0 Númi Kárason ('60 )
2-0 Alexander Ívan Bjarnason ('74 )
3-0 Númi Kárason ('90 )
3-1 Ragnar Þór Gunnarsson ('90 , Mark úr víti)
Rautt spjald: Stígur Aðalsteinsson , Sindri ('72)

Augnablik 3 - 5 ÍH
1-0 Aron Skúli Brynjarsson ('21 )
1-1 Kristófer Dan Þórðarson ('30 )
1-2 Andri Jónasson ('42 )
1-3 Brynjar Jónasson ('45 )
1-4 Dagur Óli Grétarsson ('47 )
1-5 Gísli Þröstur Kristjánsson ('72 )
2-5 Aron Skúli Brynjarsson ('75 )
3-5 Aron Skúli Brynjarsson ('79 , Mark úr víti)

Vængir Júpiters 0 - 2 Elliði
0-1 Pétur Óskarsson ('58 )
0-2 Hlynur Magnússon ('80 )