Cristiano Ronaldo og liðsfélagar hans í Al-Nassr töpuðu fyrir Al-Hilal í úrslitum bikarsins í Sádi-Arabíu í kvöld.
Al-Nassr var betra liðið í leiknum og var Ronaldo nálægt því að skora eitt flottasta mark ársins er hann fleygði sér upp í bakfallsspyrnu en skoti hafnaði í stöng.
Al-Hilal fór með 1-0 forystu inn í hálfleikinn þökk sé marki Aleksandar Mitrovic á 7. mínútu.
Það færðist meiri hiti í leikinn í síðari. David Ospina, markvörður Al-Nassr, var rekinn af velli á 56. mínútu og þá voru þeir Ali Abulayhi og Kalidou Koulibaly reknir af velli í liði Al-Hilal undir lokin.
Al-Nassr jafnaði leikinn á milli rauðu spjaldanna en markið skoraði Ayman Yahya.
Eftir markalausa framlengingu var það Al-Hilal sem hafði betur í vítaspyrnukeppninni, 5-4. Cristiano Ronaldo skoraði úr sínu víti.
Ronaldo var í öngum sínum eftir leikinn. Portúgalinn hágrét á vellinum eins og má sjá á myndbandinu hér fyrir neðan.
Þetta var eitt besta tímabil Ronaldo á ferlinum. Hann skoraði 50 mörk í öllum keppnum, bæði félagsliði og landsliði, og það þrátt fyrir að vera 39 ára gamall en gat ekki fagnað því með titli. Al-Hilal vann bæði deild- og bikar.
Nothing hurts a football fan more than seeing Ronaldo cry pic.twitter.com/YSMsZKBE9z
— Trey (@UTDTrey) May 31, 2024
Athugasemdir