Jóhannes Karl Guðjónsson stýrði AB Kaupmannahöfn í fyrsta sinn í kvöld en ekki byrjar það vel hjá Skagamanninum. AB tapaði 6-0 fyrir toppliði Esbjerg.
Á dögunum var Jóhannes Karl ráðinn þjálfari AB en hann tók ekki formlega við liðinu fyrr en á mánudag.
Hann stýrði því liðinu í fyrsta sinn í kvöld og var Ágúst Eðvald Hlynsson í byrjunarliðinu.
Esbjerg leiddi með þremur mörkum í hálfleik og bætti síðan við þremur til viðbótar í þeim síðari.
6-0 tap staðreynd en AB á tvo leiki eftir áður en hópurinn fer í sumarfrí.
Liðið er í neðsta sæti meistarariðilsins með 34 stig.
Athugasemdir