Spá Fótbolta.net - 6. sæti: ÍA

Spáin:
1. ?
2. ?
3. ?
4. ?
5. ?
6. ÍA 69 stig
7. KA 65 stig
8. Fylkir 45 stig
9. Grindavík 35 stig
10. ÍBV 34 stig
11. Víkingur R. 25 stig
12. HK 12 stig

Um liðið: ÍA er nýliði í Pepsi Max-deildinni eftir að hafa staðið uppi sem sigurvegari í Inkasso-deildinni í fyrra. Liðið heldur nánast sama liði og vann Inkasso-deildina auk þess sem liðið hefur bætt við sig spennandi leikmönnum. Undirbúningstímabilið hjá ÍA hefur hrifið marga knattspyrnuunnendur og því verður spennandi að sjá hvernig liðið spjarar sig í deild þeirra bestu.

Þjálfari - Jóhannes Karl Guðjónsson: Jóhannes Karl stýrði ÍA upp í Pepsi Max deildina með því að vinna Inkasso-deildina á sínu fyrsta ári. Jói Kalli er uppalinn Skagamaður og hann hefur gert frábæra hluti á Skaganum bæði sem leikmaður og þjálfari. Hann þjálfaði HK í Inkasso-deildinni áður en hann tók við ÍA. Einn mest spennandi þjálfari landsins í dag.

Styrkleikar: Skagamenn koma inn í deildina með mikið sjálfstraust eftir gott tímabil í Inkasso-deildinni í fyrra og frábært undirbúningstímabil. Bæði það að eiga gott tímabil í Inkasso og frábært undirbúningstímabil gefur þeim þó ekkert þegar í Pepsi Max-deildina er komið. Liðið hefur mikla breidd í sóknarleiknum og mikill hraði er í liðinu. Þeir eru að fá mörk frá mörgum einstaklingum.

Veikleikar: Reynsluleysið gæti sagt til sín þegar á móti blæs og svo er spurning hvernig frammistaða liðsins verður í mótlæti. Liðið er frekar ungt og margir leikmannana hafa litla reynslu í efstu deild. Væntingarnar á liðinu eru ótrúlega miklar miðað við nýliða og á Akranesi er alltaf krafa á árangur. Það verður krefjandi fyrir liðið að halda sama flugi inn í alvöruna.

Lykilmenn: Árni Snær Ólafsson og Arnar Már Guðjónsson. Báðir uppaldir Skagamenn með mikla reynslu, þá sérstaklega Arnar Már. Hann þarf sennilega að bera liðið á herðum sér í gegnum erfiða hjalla á tímabilinu.

Gaman að fylgjast með: Viktor Jónsson. Hefur raðað inn mörkum í Inkasso-deildinni síðustu ár. Á síðasta tímabili skoraði hann 22 mörk fyrir Þrótt en nú er komið að því að skora mörk í efstu deild. Hefur skorað 54 mörk í Inkasso-deildinni á þremur tímabilum. Skoraði hinsvegar aðeins eitt mark í 18 leikjum við Víkingum sumarið 2017 í Pepsi-deildinni.

Spurningamerkið: Nær ÍA að halda dampi þegar inn í tímabilið er komið eftir frábært undirbúningstímabil? Reynsluleysi í efstu deild getur spilað þar inn í.

Völlurinn: Einn flottasti heimavöllur landsins. Góð stúka er við völlinn þó grasbrekkan sé þó töluvert vinsælli áhorfendastaður. Þegar líður á sumarið er völlurinn yfirleitt sá besti á Íslandi.

Þjálfarinn segir - Jóhannes Karl Guðjónsson
„Þetta er í rauninni nokkuð góð spá fyrir okkur. Við erum að koma upp sem nýliðar og miðað við það þá er þetta fín spá og menn hafa greinilega trú á því að við verðum í efri hluta baráttunni og það er klárlega það sem við ætlum okkur að gera. Markmiðið er að vera berjast í efri hluta deildarinnar. Það eiga allir að setja sér markmið og stefna að því og hjá okkur er það þannig að við viljum vera lið sem stabílerar sig í efstu deild. Það má samt alveg búast við einhverjum óstöðugleika á fyrsta ári í efstu deild en við höfum klárlega trú á því að þetta sé möguleiki."

Komnir:
Gonzalo Zamorano Leon frá Víkingi Ó.
Jón Gísli Eyland Sveinsson frá Tindastóli
Marchus Johansson frá Silkeborg
Óttar Bjarni Guðmundsson frá Stjörnunni
Tryggvi Hrafn Haraldsson frá Halmstad
Viktor Jónsson frá Þrótti R.

Farnir:
Garðar Bergmann Gunnlaugsson í Val
Vincent Weijl
Ragnar Leósson í Kára

Fyrstu fimm leikir ÍA:
27. apríl ÍA - KA
5. maí Fylkir - ÍA
11. maí Valur - ÍA
15. maí ÍA - FH
19. maí Breiðablik - ÍA

Sjá einnig:
Hin hliðin - Albert Hafsteinsson
Niðurtalningin: ÍA - Viktor Jóns og Hörður Ingi

Leikmenn ÍA sumarið 2019:
1 Páll Gísli Jónsson
2 Hörður Ingi Gunnarsson
3 Óttar Bjarni Guðmundsson
4 Arnór Snær Guðmundsson
5 Einar Logi Einarsson
6 Albert Hafsteinsson
7 Þórður Þorsteinn Þórðarson
8 Hallur Flosason
9 Viktor Jónsson
10 Tryggvi Hrafn Haraldsson
11 Arnar Már Guðjónsson
12 Árni Snær Ólafsson
14 Ólafur Valur Valdimarsson
17 Gonzalo Zamorano Leon
18 Stefán Teitur Þórðarson
19 Bjarki Steinn Bjarkason
22 Steinar Þorsteinsson
23 Jón Gísli Eyland Gíslason
24 Hákon Arnar Haraldsson
25 Sigurður Hrannar Þorsteinsson
30 Aron Bjarki Kristjánsson
93 Lars Marcus Johansson