Rio Ferdinand, fyrrum leikmaður Manchester United og enska landsliðsins, segir að Kobbie Mainoo verði að byrja gegn Sviss í 8-liða úrslitum Evrópumótsins á morgun.
Ferdinand var þarna að bregðast við fréttum af því að Gareth Southgate, landsliðsþjálfari Englands, væri að íhuga að gera stórtækar breytingar á leikskipulaginu fyrir leikinn gegn Sviss.
Samkvæmt miðlunum er uppleggið að byrja í 3-5-2 taktíkinni með þá Bukayo Saka og Trent Alexander-Arnold í vængbakvörðum. Kyle Walker, John Stones og Ezri Konsa myndu þá líklega spila í þriggja manna miðvarða kerfi.
Mainoo, sem átti frábært tímabil með Manchester United, byrjaði fyrsta leik sinn á mótinu í 2-1 sigrinum á Slóvakíu í 16-liða úrslitum og var einn af ljósu punktum liðsins í annars dapri frammistöðu. Hann og Declan Rice virtust ná vel saman og kallar Ferdinand eftir því að Mainoo fái aftur tækifærið á miðsvæðinu.
„Ég labba heim frá Þýskalandi ef Kobbie byrjar ekki. Hann verður að byrja,“ sagði Ferdinand á X.
If Kobbie ain’t starting, I’m walking back from Germany! Has to…. https://t.co/51yVgMwIKB
— Rio Ferdinand (@rioferdy5) July 4, 2024
Athugasemdir