Hollenska landsliðið er búið að nú blaðinu við gegn Tyrklandi og er komið í 2-1 í Berlín.
Tyrkir fóru með eins marks forystu í hálfleikinn. Þeir börðust og börðust en í síðari hálfleiknum tóku Hollendingar yfir.
Í þeim síðari ætluðu Tyrkir að halda fengnum hlut en það getur oft reynst hættulegt að fara verja forskot gegn eins sterkri þjóð og Hollandi.
Stefan de Vrij jafnaði metin með skalla eftir fyrirgjöf Memphis Depay áður en Cody Gakpo gerði fjórða mark sitt á mótinu aðeins sex mínútum síðar eftir frábæra sendingu Denzel Dumfries inn í teiginn. Markið gæti að vísu verið skráð sem sjálfsmark en eins og staðan er núna er það skráð á Gakpo og er hann markahæsti maður mótsins.
„Þvílík ákefð. Þvílík ákefð,“ sagði Hörður Magnússon í lýsingunni á RÚV en þar vitnaði hann í ótrúlega ákefð hollenska liðsins í þessum síðari hálfleik.
Alvöru skalli hjá Stefan de Vrij og ????????Hollendingar jafna 1-1?? pic.twitter.com/d2bJhTJYCH
— RÚV Íþróttir (@ruvithrottir) July 6, 2024
Viðsnúningur hjá Hollendingum! Cody Gakpo kemur þeim yfir 2-1?????????? pic.twitter.com/UOtzpkMH9o
— RÚV Íþróttir (@ruvithrottir) July 6, 2024
Athugasemdir