Birnir Snær Ingason var á skotskónum þegar Halmstad steinlá gegn Malmö í sænsku deildinni í dag.
Halmstad lenti undir en Birnir jafnaði metin stuttu síðar með laglegu skoti fyrir utan vítateiginn, stöngin inn. Hann var vafinn um höfuðið eftir að hafa fenigð höfuðhögg fyrr í leiknum.
Malmö náði forystunni aftur fyrir lok fyrri hálfleiks og bætti þremur mörkum við í þeim síðari. 5-1 lokatölur. Birnir spilaði 72 mínútur en Gísli Eyjólfsson lék allan leikinn. Daníel Tristan Guðjohnsen var ekki í leikmannahópi Malmö.
Halmstad er í 8. sæti deildarinnar með 18 stig eftir 13 leiki en Malmö er á toppnum með 35 stig eftir 14 leiki.
Birnir Snær Ingason trycker in kvittteringen för Halmstads BK, 1-1! ????
— Sports on Max ???????? (@sportsonmaxse) July 7, 2024
???? Se all kommande sport på vår nya streaming-hemmaplan Max, där du ser allt från Allsvenskan. pic.twitter.com/iwEAQar0JL
Patrik Sigurður Gunnarsson var á sínum stað í rammanum þegar Viking vann endurkomusigur á KFUM Oslo í norsku deildinni í dag. Viking var marki undir í hálfleik en skoraði tvö mörk þegar innan við tíu mínútur voru eftir af venjulegum leiktíma.
Anton Logi Lúðvíksson spilaði klukkutíma í grátlegu tapiHaugesund gegn Sarpsborg. Haugesund var manni færri allan seinni hálfleikinn en náði forystunni. Sarpsborg jafnaði metin þegar um tíu mínútur voru eftir af venjulegum leiktíma og seint í uppbótatímanum kom sigurmarkið.
Viðar Ari Jónsson lék allan leikinn en Brynjar Ingi Bjarnason sat allan tímann á varamannabekknum þegar HamKam gerði markalaust jafntefli gegn Tromsö en HamKam var manni færri síðustu tuttugu mínúturnar.
Viking er í 4. sæti deildarinnar með 25 stig eftir 13 umferðir. Haugesund er í 14. sæti með 13 stig eftir 12 umferðir og HamKam í 9. sæti með 14 stig eftir 14 umferðir.