Þróttur R. 2 - 4 Þór/KA
0-1 Sandra María Jessen ('16 )
0-2 Sandra María Jessen ('21 )
0-3 Sandra María Jessen ('44 )
1-3 Leah Maryann Pais ('52 )
1-4 Karen María Sigurgeirsdóttir ('63 )
2-4 Kristrún Rut Antonsdóttir ('71 )
Lestu um leikinn
0-1 Sandra María Jessen ('16 )
0-2 Sandra María Jessen ('21 )
0-3 Sandra María Jessen ('44 )
1-3 Leah Maryann Pais ('52 )
1-4 Karen María Sigurgeirsdóttir ('63 )
2-4 Kristrún Rut Antonsdóttir ('71 )
Lestu um leikinn
Sandra María Jessen, fyrirliði Þór/KA, skoraði þrennu í fyrri hálfleik er liðið vann Þrótt R, 4-2, í Bestu deild kvenna á AVIS-vellinum í Laugardal í dag. Hulda Ósk Jónsdóttir lagði þá upp öll mörk gestanna í leiknum.
Það tók Söndru sextán mínútur að skora sitt 13. mark í deildinni í sumar. Hulda Ósk Jónsdóttir kom með fyrirgjöfina frá hægri og mætti Sandra á ferðinni og skallaði boltann í netið.
Hún var aftur á ferðinni fimm mínútum síðar. Hulda Ósk stakk boltanum inn fyrir á Söndru sem lét vaða á markið við vítateigsendann. Hún lyfti boltanum skemmtilega yfir Mollee Swift í marki Þróttara og staðan 2-0.
Hulda og Sandra fullkomnuðu þrennuna undir lok hálfleiksins. Hulda fór upp að endamörkum, kom boltanum fyrir á Söndru sem skallaði boltann í markið. Þrenna hjá Söndru og stoðsendingaþrenna hjá Huldu.
Þróttarar komu til baka í þeim síðari. Leah Pais skoraði eftir hornspyrnu. Þór/KA mistókst að hreinsa frá og náði Pais að nýta sér það með því að setja boltann í bláhornið.
Það kom aukinn kraftur í heimakonur í kjölfarið. Þær náðu að skapa sér nokkur færi áður en liðið fékk blauta tusku í andlitið er Karen María Sigurgeirsdóttir skoraði eftir sendingu Huldu. Fjórða stoðsending hennar í leiknum.
Tuttugu mínútum fyrir leikslok skoruðu Þróttarar nánast upp úr engu. Hár bolti inn á teiginn og var það Kristrún Rut Antonsdóttir sem náði að skalla honum í netið.
Á síðustu mínútum leiksins reyndu Þróttarar að koma sér betur inn í leikinn. Þær vildu fá víti á 80. mínútu eftir að Jelena Tinna Kujundzic féll í þvögu og þá var Shelby Money að verja vel í markinu.
Lokatölur í Laugardal, 4-2, Þór/KA í vil. Liðið nú með 24 stig í 3. sæti, níu stigum frá toppnum. Sandra María er langmarkahæst með 15 mörk í deildinni, átta mörkum á undan næsta leikmanni.
Besta-deild kvenna
Lið | L | U | J | T | Mörk | mun | Stig |
---|---|---|---|---|---|---|---|
1. Valur | 18 | 16 | 1 | 1 | 48 - 16 | +32 | 49 |
2. Breiðablik | 18 | 16 | 0 | 2 | 46 - 9 | +37 | 48 |
3. Þór/KA | 18 | 9 | 3 | 6 | 40 - 28 | +12 | 30 |
4. Víkingur R. | 18 | 8 | 5 | 5 | 28 - 29 | -1 | 29 |
5. FH | 18 | 8 | 1 | 9 | 30 - 36 | -6 | 25 |
6. Þróttur R. | 18 | 7 | 2 | 9 | 23 - 27 | -4 | 23 |
7. Stjarnan | 18 | 6 | 3 | 9 | 22 - 34 | -12 | 21 |
8. Tindastóll | 18 | 3 | 4 | 11 | 20 - 41 | -21 | 13 |
9. Fylkir | 18 | 2 | 4 | 12 | 17 - 34 | -17 | 10 |
10. Keflavík | 18 | 3 | 1 | 14 | 16 - 36 | -20 | 10 |
Athugasemdir