Dorival Junior, þjálfari brasilíska landsliðsins, mun stýra því á HM sem fer fram í Bandaríkjunum, Kanada og Mexíkó árið 2026 en þetta sagði forseti fótboltasambands Brasilíu í dag.
Brasilía er dottið úr leik í Copa America-keppninni sem fer fram í Bandaríkjunum um þessar mundir.
Þjóðin tapaði fyrir Úrúgvæ í vítakeppni í 8-liða úrslitum keppninnar í gærnótt.
Það hafa verið áköll um að reka Dorival Junor úr starfi eftir þennan slaka árangur á mótinu, en forseti fótboltsambandsins hlustar ekki á þær raddir.
Kom hann inn á það að ekki væri ráðlagt að vera alltaf að skipta um þjálfara og fær þjálfarinn því tíma til að byggja sigurlið en næsta markmið er að komast á HM sem fer fram árið 2026.
Athugasemdir