Vopnfirðingar unnu Álftanes, 3-2, eftir að hafa lent tveimur mörkum undir á fyrstu tuttugu mínútum leiksins.

Það var ekki fyrr en á 73. mínútu sem Einherja tókst að minnka muninn er Amanda Lind Elmarsdóttir kom boltanum í netið. Sarai Vela Menchon klæddi sig í skikkjuna og skoraði tvö mörk fyrir Einherja á þremur mínútum á lokakaflanum og tryggði Vopnfirðingum stigin þrjú.

Einherji er nú í 4. sæti með 19 stig en Álftanes með 4 stig í 9. sæti deildarinnar.

ÍH og Völsungur gerðu 2-2 jafntefli í Skessunni í Hafnarfirði. Hildur Anna Brynjarsdóttir kom Völsungi í 1-0 á 17. mínútu en Hildur Katrín Snorradóttir jafnaði undir lok hálfleiksins.

Krista Eik Harðardóttir kom gestunum aftur yfir á 79. mínútu og stefndi allt í frábæran útisigur en þá kom Rakel Eva BJarnadóttir liði ÍH til bjargar með marki á 88. mínútu.

Lokatölur 2-2. Sterkt stig hjá ÍH sem er í 5. sæti með 16 stig en Völsungur í öðru sæti með 22 stig.

Einherji 3 - 2 Álftanes
0-1 Eydís María Waagfjörð ('18 )
0-2 Klara Kristín Kjartansdóttir ('20 )
1-2 Amanda Lind Elmarsdóttir ('73 )
2-2 Sarai Vela Menchon ('77 )
3-2 Sarai Vela Menchon ('80 )

ÍH 2 - 2 Völsungur
0-1 Hildur Anna Brynjarsdóttir ('17 )
1-1 Hildur Katrín Snorradóttir ('43 )
1-2 Krista Eik Harðardóttir ('79 )
2-2 Rakel Eva Bjarnadóttir ('88 )