Fjarðabyggð/Höttur/Leiknir er með sex stiga forystu í efsta sæti Lengjudeildar kvenna eftir öruggan 3-0 sigur liðsins á Selfossi í Fjarðarbyggðarhöllinni í dag.
Emma Hawkins, langmarkahæsti leikmaður deildarinnar, skoraði tvö mörk fyrir heimakonur. Fyrra markið gerði hún á 49. mínútu og það síðara á 85. mínútu. Eva Ýr Helgadóttir, fyrirliði Selfyssinga, varð síðan fyrir því óláni að koma boltanum í eigið net undir lok leiks.
Hawkins er komin með 17 mörk í 10 deildarleikjum á tímabilinu en FHL er á toppnum með 25 stig, sex stigum á undan Aftureldingu sem er í öðru sæti.
ÍR og Fram gerðu 3-3 jafntefli í hörkuleik í Breiðholti. Staðan var 1-1 í hálfleik. Lovísa Guðrún Einarsdóttir kom ÍR yfir á 12. mínútu en Murielle Ternan jafnaði þrettán mínútum síðar.
Sandra Dögg Bjarnadóttir kom heimakonum yfir snemma í síðari áður en Lovísa gerði annað mark sitt á 54. mínútu. Undir lok leiks komu Framarar til baka.
Alda Ólafsdóttir minnkaði muninn á 86. mínútu og jafnaði Thelma Lind Steinarsdóttir metin þegar lítið var eftir af leiknum. Fram er í 7. sæti með 12 stig en ÍR áfram í neðsta sæti með 4 stig.
Úrslit og markaskorarar:
ÍR 3 - 3 Fram
1-0 Lovísa Guðrún Einarsdóttir ('12 )
1-1 Murielle Tiernan ('25 )
2-1 Sandra Dögg Bjarnadóttir ('48 )
3-1 Lovísa Guðrún Einarsdóttir ('54 )
3-2 Alda Ólafsdóttir ('86 )
3-3 Thelma Lind Steinarsdóttir ('90 )
FHL 3 - 0 Selfoss
1-0 Emma Hawkins ('49 )
2-0 Emma Hawkins ('85 )
3-0 Eva Ýr Helgadóttir ('89 , Sjálfsmark)
Lengjudeild kvenna
Lið | L | U | J | T | Mörk | mun | Stig |
---|---|---|---|---|---|---|---|
1. FHL | 18 | 13 | 1 | 4 | 62 - 35 | +27 | 40 |
2. Fram | 18 | 10 | 4 | 4 | 42 - 24 | +18 | 34 |
3. Grótta | 18 | 10 | 4 | 4 | 28 - 23 | +5 | 34 |
4. HK | 18 | 9 | 3 | 6 | 42 - 29 | +13 | 30 |
5. ÍA | 18 | 8 | 2 | 8 | 27 - 31 | -4 | 26 |
6. ÍBV | 18 | 8 | 1 | 9 | 29 - 32 | -3 | 25 |
7. Afturelding | 18 | 6 | 4 | 8 | 24 - 30 | -6 | 22 |
8. Grindavík | 18 | 6 | 3 | 9 | 24 - 26 | -2 | 21 |
9. Selfoss | 18 | 3 | 6 | 9 | 18 - 29 | -11 | 15 |
10. ÍR | 18 | 2 | 2 | 14 | 18 - 55 | -37 | 8 |
Athugasemdir