Taylor dæmdi ekki víti og VAR dómarateymið bað hann ekki um að endurskoða þá ákvörðun.

Þegar þessi frétt er skrifuð hafa 32.400 skrifað undir undirskriftarlista á netinu þar sem heimtað er að leikurinn verði spilaður að nýju og Taylor tekinn af lista UEFA yfir alþjóðlega dómara.

Dale Johnson hjá ESPN segir að ákvörðun Taylor dómara hafi hinsvegar verið rétt.

„Á kynningarfundi UEFA fyrir mót var sýnt dæmi eins og með Marc Cucurella og sagt að það ætti ekki að vera vítaspyrna. Handleggur nálægt síðunni sem snýr aðallega niður/lóðrétt og/eða aftan við línu líkamans. Þetta er ólíkt vítaspyrnunni sem Joachim Andersen fékk á sig gegn Þýskalandi. UEFA telur þá armstöðu vera óeðlilega og búa til hindrun," segir Johnson.

Spánn mætir Frakklandi í undanúrslitum annað kvöld. Sigurliðið leikur til úrslita gegn Englandi eða Hollandi á sunnudaginn.