Jóhann Berg Guðmundsson hefur skrifað undir nýjan eins árs samning við Burnley og leikur með liðinu í Championship-deildinni næsta vetur.
Þessi 33 ára gamli íslenski landsliðsfyrirliði tilkynnti eftir tímabilið að hann myndi yfirgefa enska félagið eftir að samningur hans myndi renna út í sumar.
„Ég er mættur aftur og ótrúlega ánægður. Þetta félag hefur svo mikla þýðingu fyrir mig. Það var erfitt að yfirgefa félagið eftir að það féll. Ég vil hjálpa til að koma okkur aftur upp í úrvalsdeild þar sem við eigum heima. Ég vissi að ferlinum var ekki lokið," sagði Jóhann Berg við undirskriftina.
Jóhann Berg gekk til liðs við félagið árið 2016 og hefur leikið 227 leiki og skorað 14 mörk.
Guess who's back? ?? pic.twitter.com/wBR8oI7xXT
— Burnley FC (@BurnleyOfficial) July 6, 2024
"This club means so much to me” ??
— Burnley FC (@BurnleyOfficial) July 6, 2024
We're glad to have you back, @Gudmundsson7!