Þróttur R. 4 - 1 Dalvík/Reynir
0-1 Áki Sölvason ('52 )
1-1 Kári Kristjánsson ('59 , víti)
2-1 Hlynur Þórhallsson ('65 )
3-1 Kári Kristjánsson ('74 )
4-1 Hlynur Þórhallsson ('95 )
Lestu um leikinn
0-1 Áki Sölvason ('52 )
1-1 Kári Kristjánsson ('59 , víti)
2-1 Hlynur Þórhallsson ('65 )
3-1 Kári Kristjánsson ('74 )
4-1 Hlynur Þórhallsson ('95 )
Lestu um leikinn
Þróttarar komu sér upp úr fallsæti með því að vinna 4-1 sigur á Dalvík/Reyni í 11. umferð Lengjudeildar karla á AVIS-vellinum í Laugardal í dag.
Það voru heimamenn sem sköpuðu sér færin í fyrri hálfleik. Njörður Þórhallsson átti skot af varnarmanni og í slá. Dalvíkingar áttu fína spilkafla í leiknum en náðu ekki að skapa sér neitt af viti.
Þeir vildu þó fá vítaspyrnu er Freyr Jónsson var tekinn niður í teignum á 34. mínútu en ekkert dæmt. Dalvíkingar ekki sáttir með þessa niðurstöðu.
Staðan í hálfleik markalaus en það lifnaði heldur betur yfir þessu í síðari hálfleiknum.
Áki Sölvason kom Dalvíkingum yfir á 52. mínútu. Nikola Kristinn Stojanovic sendi Áka í gegn sem skoraði örugglega. Þróttarar vildu fá dæmda rangstöðu en markið stóð.
Heimamenn lögðu allt í sölurnar eftir markið. Kári Kristjánsson jafnaði metin með marki úr víti á 59. mínútu og sex mínútum síðar voru þeir komnir í forystu er Hlynur Þórhallsson skallaði aukaspyrnu Jörgen Pettersen í netið.
Á 74. mínútu gerði Kári annað mark sitt. Sigurður Steinar Björnsson lagði boltann út á Kára sem var við D-bogann. Hann setti boltann niður í hornið og framhjá Franko Lalic í markinu.
Seint í uppbótartíma bætti Hlynur við öðru marki sínu eftir fyrirgjöf Pettersen. Lokatölur 4-1 fyrir Þrótturum sem koma sér upp úr fallsæti og í 8. sæti með 12 stig en Dalvíkingar á botninum með 7 stig.
Lengjudeild karla
Lið | L | U | J | T | Mörk | mun | Stig |
---|---|---|---|---|---|---|---|
1. ÍBV | 22 | 11 | 6 | 5 | 50 - 27 | +23 | 39 |
2. Keflavík | 22 | 10 | 8 | 4 | 37 - 24 | +13 | 38 |
3. Fjölnir | 22 | 10 | 7 | 5 | 34 - 28 | +6 | 37 |
4. Afturelding | 22 | 11 | 3 | 8 | 39 - 36 | +3 | 36 |
5. ÍR | 22 | 9 | 8 | 5 | 30 - 28 | +2 | 35 |
6. Njarðvík | 22 | 8 | 9 | 5 | 34 - 29 | +5 | 33 |
7. Þróttur R. | 22 | 8 | 6 | 8 | 37 - 31 | +6 | 30 |
8. Leiknir R. | 22 | 8 | 4 | 10 | 33 - 34 | -1 | 28 |
9. Grindavík | 22 | 6 | 8 | 8 | 40 - 46 | -6 | 26 |
10. Þór | 22 | 6 | 8 | 8 | 32 - 38 | -6 | 26 |
11. Grótta | 22 | 4 | 4 | 14 | 31 - 50 | -19 | 16 |
12. Dalvík/Reynir | 22 | 2 | 7 | 13 | 23 - 49 | -26 | 13 |
Athugasemdir