Rúnar Páll um brottrekstur Olgeirs: Ýmislegt sem fer í gegnum hausinn á manni
Rúnar Páll Sigmundsson og Olgeir Sigurgeirsson
Mynd: Fótbolti.net - Hafliði Breiðfjörð
Rúnar Páll Sigmundsson og Olgeir Sigurgeirsson
Mynd: Fótbolti.net - Hafliði Breiðfjörð
Það kom Rúnari Páli Sigmundssyni, þjálfara Fylki, í opna skjöldu þegar Olgeiri Sigurgeirssyni aðstoðarþjálfara hans var sagt upp hjá félaginu á dögunum.
Olgeir hættur hjá Fylki (Staðfest)
Fylkir er í botnsæti Bestu deildarinnar en liðið tapaði gegn Val 4-0 í gær og var Rúnar Páll spurður í viðtali við Fótbolta.net eftir leikinn hvort brottrekstur Olgeirs hafi komið honum í opna skjöldu.
„Já, það gerði það eins og öllum öðrum. Ég sá þetta ekki fyrir," sagði Rúnar Páll.
Hann var spurður að því hvort hann hafi íhugað að segja upp í kjölfarið.
„Það fer ýmislegt í gegnum hausinn á mönnum þegar svona gerist. Það er eins og það er," sagði Rúnar Páll að lokum.
