Franski miðvörðurinn Raphael Varane er enn í viðræðum við ítalska félagið Como en framtíð hans ætti að skýrast á næstu vikum.
Varane yfirgaf Manchester United þegar samningur hans rann út eftir tímabilið.
Frakkinn hefur verið að skoða í kringum sig en líklegasti kosturinn er Como á Ítalíu.
Como komst upp í Seríu A eftir síðustu leiktíð og verður þetta í fyrsta sinn síðan 2003 sem liðið spilar í efstu deild. Fyrrum fótboltamaðurinn Cesc Fabregas er hluteigandi og annar af þjálfurum Como, en hann vill ólmur fá Varane til félagsins.
Viðræður Como og Varane hafa staðið yfir í nokkrar vikur og halda áfram næstu daga.
Ákvörðun liggur ekki fyrir en Como er að gera allt sem það getur til þess að landa þessum öfluga varnarmanni.
Athugasemdir
