Heimild: Mbl.is
Þorlákur Árnason, þjálfari kvennaliðs Damaiense í Portúgal, hefur framlengt samning sinn við félagið til næstu tveggja ára, en þetta staðfesti hann í samtali við mbl.is.
Hann tók við liði Damaiense í október á síðasta ári og stýrði liðinu í 4. sæti portúgölsku úrvalsdeildarinnar, sem er besti árangur í sögu félagsins.
Þorlákur þjálfaði áður yngri landslið Íslands en hann hefur einnig stýrt meistaraflokki karla hjá Val og Fylki sem og meistaraflokki kvenna hjá Stjörnunni á þjálfaraferli sínum áður en hann tók við Þór í september árið 2021.
Hann eyddi tveimur árum hjá Þór áður en hann hætti störfum þar og hélt til Portúgals.
Athugasemdir
