Valur er komið á toppinn í Bestu deild kvenna í bili að minnsta kosti eftir sigur á Víkingi í dag.
Ragnheiður Þórunn Jónsdóttir kom Valskonum yfir þegar hún skallaði boltann í netið eftir hornspyrnu frá Önnu Rakel Pétursdóttir.
Rachel Diodati var nálægt því að jafna metin stuttu síðar eftir horn en skallinn hennar rétt framhjá markinu.
Eftir rúmlega hálftíma leik komst Ísabella Sara ein í gegn eftir langa sendingu frá Katie Cousins og skoraði framhjá Birtu í marki Víkings.
Amanda Andradóttir slapp í gegn undir lok leiksins og gat endanlega gert út um leikinn en vippaði boltanum yfir markið. Það kom ekki að sök því sigur Vals var í höfn.
Eva Lind Daníelsdóttir tryggði Keflavík stigin þrjú gegn Fylki þegar hún skoraði með laglegu skoti fyrir utan vítateiginn. Hennar fyrsta mark í efstu deild.
Guðrún Karítas Sigurðardóttr fékk tækifæri snemma í síðari hálfleik til að jafna metin en fór illa með gott færi.
Víkingur R. 0 - 2 Valur
0-1 Ragnheiður Þórunn Jónsdóttir ('19 )
0-2 Ísabella Sara Tryggvadóttir ('33 )
Lestu um leikinn
Keflavík 1 - 0 Fylkir
1-0 Eva Lind Daníelsdóttir ('22 )
Lestu um leikinn
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Valur | 18 | 16 | 1 | 1 | 48 - 16 | +32 | 49 |
| 2. Breiðablik | 18 | 16 | 0 | 2 | 46 - 9 | +37 | 48 |
| 3. Þór/KA | 18 | 9 | 3 | 6 | 40 - 28 | +12 | 30 |
| 4. Víkingur R. | 18 | 8 | 5 | 5 | 28 - 29 | -1 | 29 |
| 5. FH | 18 | 8 | 1 | 9 | 30 - 36 | -6 | 25 |
| 6. Þróttur R. | 18 | 7 | 2 | 9 | 23 - 27 | -4 | 23 |
| 7. Stjarnan | 18 | 6 | 3 | 9 | 22 - 34 | -12 | 21 |
| 8. Tindastóll | 18 | 3 | 4 | 11 | 20 - 41 | -21 | 13 |
| 9. Fylkir | 18 | 2 | 4 | 12 | 17 - 34 | -17 | 10 |
| 10. Keflavík | 18 | 3 | 1 | 14 | 16 - 36 | -20 | 10 |
