Adam Ægir Pálsson leikmaður Vals

Mynd: Fótbolti.net - J.L.

„Geðveikt að vinna. Við gerðum 0-0 jafntefli við þá í fyrri umferðinni og það er bara gott að ná að vinna, sérstaklega þegar það eru nokkrir meiddir eða í banni." Sagði Adam Ægir Pálsson leikmaður Vals eftir leikinn í dag.

„Við vorum með áherslu á að halda hreinu í dag. Það var mikilvægt, við erum ekki búnir að halda hreinu og búið að tala mikið um það að halda hreinu." 

Adam Ægir kom inn á sem varamaður í dag og var ekki lengi að komast á blað. 

„Ég er búin að vera kaldur í sumar og sérstaklega að skora. Mér hefur vantað þetta mark og því lengra sem líður frá markinu því meira vill maður það og verður stressaður og setur pressu á sjálfan sig. Það er loksins gott að ná markinu sínu og það væri betra að ná því í fyrstu umferð en það var gott að ná því núna."

Adam Ægir hefur mátt þola mikla bekkjarsetu í sumar en mögulega setur innkoma hans í dag einhverja pressu fyrir næstu liðsvöl. 

„Það er alltaf gott að skora en ég veit ekki hvort það muni hafa einhver áhrif hvort maður byrji eða ekki. Ég held að það sé meira frammistöðu tengt en klárlega vill maður fara spila og maður er ekkert sáttur á bekknum þannig maður þarf allavega að fara setja einhverja pressu aðmennilega og það gerist bara inni á vellinum. Vonandi breytir þetta einhverju en annars er það bara næsti leikur og gefa í." 

„Ég byrjaði seinasta tímabil mjög vel en endaði verr. Ég treysti bara því að ég snúi því við núna og endi þetta ógeðslega vel." 

Nánar er rætt við Adam Ægir Pálsson í spilaranum hér fyrir ofan.