„Við erum auðvitiað leið því miðað við vinnuframlagið okkar áttum við skilið að fá fleiri færi til að koma okkur inn í leikinn í dag. Við sköpuðum okkur ekki jafn mörg færi og við gerum vanalega. Kannski náðu tilfinningarnar okkur.“ sagði John Andrews, þjálfari Víkings eftir 2-0 tap gegn Val í dag.
Lestu um leikinn: Víkingur R. 0 - 2 Valur
Seinna markið sem Víkingar fengu á sig fór ekki vel í John.
„Við vorum vonsvikin því við viljum ekki að boltinn fái að skoppa svona í þessu svæði. Ísabella nýtti sér það og skoraði gott mark fyrir þær en ekki okkur. Við skoðuðum markið í hálfleik og þetta voru geggjaðar hreyfingar hjá henni, greinilega eitthvað sem þær hafa unnið í.“
John er mjög stoltur af leikmönnunum í dag og þeirra framlagi.
„Við fengum allavegana ekki 7 mörk á okkur núna. Okkur líður eins og við gerðum allt sem við gátum. Það er eina sem þú getur gert, þú getur ekki gefið meira en allt. Ekkert nema stoltur.“
Valsliðið vann Víking 7-2 seinast þegar liðin mættust fyrir daginn í dag en John sagðist hafa farið vel yfir þann leik með stelpunum í aðdragandanum.
„Við fórum vel yfir 7-2 leikinn. Við breyttum ekki miklu í liðinu eftir þann leik en það eru þessi návígi sem við þurfum að vinna og gerðum í dag. Í dag vorum við frábærar varnarlega og við erum ánægð með það.“
Sigdís Eva Bárðadóttir lék sinn seinasta leik, í bili, í Víkingstreyjunni í dag en hún er orðin nýr leikmaður sænska liðsins Norköpping. John segir að Víkingur þarf ekki að finna nýjan leikmann til að koma inn í liðið í hennar stað.
„Við þurfum ekki nýja leikmenn í hennar stað, þú sást leikmennina sem spiluðu í dag í hennar stöðu, við erum mjög ánægð með hópinn. Ef það eru tveir eða þrír lausir leikmenn þá skoðum við þá auðvitað. Ef við þurfum að spila restina af tímabilinu með okkar hóp verð ég meira en sáttur.“
„Við munum sakna hennar mikið. Ég brotnaði næstum því niður í seinasta viðtali þegar ég var að tala um hana. Hún er frábær leikmaður og manneskja. Ef hún verður ekki á toppnum í A-landsliðinu eftir tvö til þrjú ár þá verð ég mjög vonsvikinn því hún er frábær. Víkingur mun sakna hennar mikið bæði sem leikmann og persónu.“ bætti John síðan við.
Viðtalið við John má sjá í heild sinni í spilaranum hér að ofan.