Albert var að byrja sinn fyrsta deildarleik síðan í lok október og gerði ágætlega á klukkutímanum sem hann spilaði.

Hann var allt í öllu fyrstu mínúturnar. Albert var ekki langt frá því að skora er hann fékk boltann í teignum og reyndi að vippa honum yfir Lukasz Skorupski sem náði að bjarga.

Þá lagði hann upp ágætis færi fyrir Danilo Cataldi en Skorupski kom aftur til bjargar.

Albert fór af velli á 58. mínútu og mínútu síðar skoruðu heimamenn í Bologna sigurmarkið. Danski leikmaðurinn Jens Odgaard gerði það og þar við sat.

Fyrsta tap Fiorentina í deildinni síðan í september staðreynd og liðið nú í 4. sæti með 31 stig á meðan Bologna er með 25 stig í 7. sæti.

Þórir Jóhann Helgason kom inn á þegar hálftími var eftir í 2-1 sigri Lecce á Monza.

FH-ingurinn hefur verið að koma inn á í síðustu leikjum hjá Lecce sem er í 13. sæti með 16 stig.

Hellas Verona vann þá 3-2 sigur á nýliðum Parma. Marokkómaðurinn Abdou Harroui lagði upp tvö mörk fyrir Verona sem fer upp í 16. sæti með 14 stig eins og Parma sem er í sætinu fyrir ofan.

Bologna 1 - 0 Fiorentina
1-0 Jens Odgaard ('59 )

Lecce 2 - 1 Monza
1-0 Tete Morente ('3 )
1-0 Nikola Krstovic ('13 , Misnotað víti)
1-1 Patrick Dorgu ('37 , sjálfsmark)
2-1 Nikola Krstovic ('44 )

Parma 2 - 3 Verona
0-1 Diego Coppola ('5 )
1-1 Simon Sohm ('19 )
1-2 Amin Sarr ('57 )
1-3 Daniel Mosquera ('75 )
2-3 Simon Sohm ('90 )