Mbappe er á sjúkrahúsi í Bandaríkjunum.
Franski sóknarmaðurinn Kylian Mbappe, leikmaður Real Madrid, er á sjúkrahúsi með magabólgu. Hann missti af leik liðsins gegn Al-Hilal á HM félagsliða.
Leikurinn endaði með 1-1 jafntefli en Real Madrid útskýrði fjarveru Mbappe á þá leið að hann væri veikur.
Félagið gaf það síðan út í dag að hann væri á sjúkrahúsi vegna magabólgu og verið væri að skoða hann.
Magabólga er sýking í meltingarvegi sem veldur uppköstum eða niðurgangi.
Óvíst er með þátttöku Mbappe á HM félagsliða en næsti leikur Real Madrid er gegn Pachuca frá Mexíkó á sunnudaginn.
Athugasemdir
