Fótbolti.net

lau 28. ágúst 2021 09:55

Sæbjörn Þór Þórbergsson Steinke

Mist Edvards spáir í 3. umferð ensku úrvalsdeildarinnar

Íslandsmeistaratitli fagnað.

Mynd: Fótbolti.net - Hafliði Breiðfjörð

Romelu Lukaku

Mynd: EPA

Þriðja umferð ensku úrvalsdeildarinnar fer fram um helgina. Umferðin hæfst með leik stórleik í hádeginu á morgun þegar Arsenal og Manchester City mætast.

Umferðin lýkur svo á sunnudag. Mist Edvarsdóttir varð Íslandsmeistari með Val á miðvikudagskvöld og hún spáir í leiki umferðarinnar.

Digitical Cuz spáði í leiki síðustu umferðar og var með fjóra rétta. Svona spáir Mist leikjum umferðarinnar.

Man City 4 - 0 Arsenal
Þetta verður þægileg byrjun á helginni fyrir City, Arsenal heldur áfram að geta ekkert.

Aston Villa 0 - 0 Brentford
Þessi verður leiðinlegur en Brentford heldur hreinu þriðja leikinn í röð.

Brighton 1 - 2 Everton
Sterkur útisigur hjá Everton og DCL9 verður áfram í stuði og setur a.m.k. annað markið með skalla af efstu hæð.

Newcastle 0 - 2 Southampton
Newcastle vörnin heldur áfram að leka og ég ætla spá því að James Ward-Prowse opni markareikninginn með marki beint úr aukaspyrnu.

Norwich 0 - 0 Leicester
Norwich greyin eru með markatöluna 0-8 eftir fyrstu tvo leikina svo í þetta skiptið munu þeir verjast með 11 menn, sækja á engum og fara sáttir af velli með fyrsta stigið.

West Ham 3 - 0 Crystal Palace
Dagný Brynjars og félagar í West Ham eru í stuði og verða það áfram. Halda áfram að raða inn mörkunum og sitja sem fastast á toppnum. Einhver í CP fær rautt.

Liverpool 1 - 2 Chelsea
Beast einvígi helgarinnar í Lukaku vs. van Dijk. Lukaku er ekki sami Lukaku og var hérna síðast í Premier League, hann er kominn aftur í öðru veldi og ríður baggamuninn í þessum leik.

Burnley 3 - 2 Leeds
Þessi verður fjörugur en ég ætla að halda í föðurlandspeppið og segja að Jói Berg leggi upp dramatískt og fallegt sigurmark í uppbótartíma.

Spurs 1 - 0 Watford
Báðir leikir Spurs farið 1-0 svo af hverju ætti ég að spá einhverju öðru?

Wolves 0 - 1 Man Utd
Það verður mikill rembingur í sóknarmönnum Utd að sýna sig fyrir Ole áður en Ronaldo mætir á svæðið (takk Sir Alex), svo mikill að þeim mun reynast mjög erfitt að skora. Harry Maguire kemur samt mínum mönnum til bjargar með skallamarki seint í leiknum, enda flottur gaur.

Fyrri spámenn:
Albert Brynjar - 4 réttir
DigiticalCuz - 4 réttir

		L	U	J	T	ms:	mf:	mun	Stig
1	Liverpool	33	24	7	2	75	31	+44	79
2	Arsenal	34	18	13	3	63	29	+34	67
3	Man City	34	18	7	9	66	43	+23	61
4	Chelsea	34	17	9	8	59	40	+19	60
5	Nott. Forest	33	18	6	9	53	39	+14	60
6	Newcastle	33	18	5	10	62	44	+18	59
7	Aston Villa	34	16	9	9	54	49	+5	57
8	Bournemouth	33	13	10	10	52	40	+12	49
9	Fulham	33	13	9	11	48	45	+3	48
10	Brighton	33	12	12	9	53	53	0	48
11	Brentford	33	13	7	13	56	50	+6	46
12	Crystal Palace	34	11	12	11	43	47	-4	45
13	Everton	34	8	14	12	34	41	-7	38
14	Man Utd	33	10	8	15	38	46	-8	38
15	Wolves	33	11	5	17	48	61	-13	38
16	Tottenham	33	11	4	18	61	51	+10	37
17	West Ham	33	9	9	15	37	55	-18	36
18	Ipswich Town	33	4	9	20	33	71	-38	21
19	Leicester	33	4	6	23	27	73	-46	18
20	Southampton	33	2	5	26	24	78	-54	11