Víkingur vann 5-1 sigur gegn HK í Bestu deildinni í gær. Íslands- og bikarmeistararnir eru að fara að keppa Evrópuleik á fimmtudag og Arnar Gunnlaugsson hvíldi nokkra leikmenn í leiknum í gær.
Hinn reynslumikli Matthías Vilhjálmsson var ekki með en hann er einfaldlega meiddur og í viðtali eftir leikinn greindi Arnar frá því að hann yrði frá í um tvo mánuði.
Hinn reynslumikli Matthías Vilhjálmsson var ekki með en hann er einfaldlega meiddur og í viðtali eftir leikinn greindi Arnar frá því að hann yrði frá í um tvo mánuði.
Lestu um leikinn: Víkingur R. 5 - 1 HK
„Það er mikil blóðtaka. Hann verður klár í úrslitakeppnina. Þegar það rignir stundum þá hellirignir," sagði Arnar.
Aron Elís Þrándarson var ekki í hópnum en verið er að fara varlega með hann eftir að hann kom til baka úr meiðslum.
„Aron er sem betur fer að komast í betra og betra stand. Ég held að það hafi verið hárrétt ákvörðun að hvíla hann í kvöld. Svo eru fleiri leikmenn að stíga upp, og verða að stíga upp."
Nikolaj Hansen fór meiddur af velli í gær en Arnar telur að það sé ekki alvarlegt.
„Vonandi verður hann fljótur að ná sér úr því og verður vonandi í lagi í leiknum á fimmtudaginn."
Víkingur heimsækir Egnatia í Albaníu á fimmtudaginn í 2. umferð forkeppni Sambandsdeildarinnar en fyrri leikurinn í Fossvoginum endaði með 1-0 sigri albanska liðsins.
Athugasemdir