Nígeríski framherjinn Victor Osimhen var ekki í leikmannahópi Napoli er það mætti albanska liðinu Egnatia í vináttuleik í gær.
Osimhen vill fara frá Napoli og hefur þegar tjáð stjórnarmönnum félagsins um ákvörðun sína.
Hann var því ekki í hópnum er Napoli vann þægilegan 4-0 sigur á Egnatia.
Napoli og PSG hafa átt í viðræðum um Osimhen síðustu vikur, en þær viðræður eru í biðstöðu sem stendur. Napoli vill rúmlega 100 milljónir evra fyrir framherjann en PSG er ekki nálægt þeirri upphæð í augnablikinu.
Ef Osimhen fer frá Napoli ætlar félagið að sækja Romelu Lukaku frá Chelsea.
Samkvæmt ensku miðlunum vill Chelsea fá að minnsta kosti 29,5 milljónir punda fyrir belgíska sóknarmanninn.
Athugasemdir