Daníel Laxdal kemur inn í lið Stjörnunnar.
Byrjar Tryggvi Hrafn?
Hvernig mun Arnar stilla liðinu upp?
Jökull sagði í gær að Daníel kæmi inn fyrir Guðmund Kristjánsson.
Klukkan 18:00 á N1 vellinum á Hlíðarenda hefst stórleikur Vals og Stjörnunnar í Bestu deild karla. Leikurinn er liður í 14. umferð deildarinnar, umferð sem klárast í júlí þegar þessi lið eru í Evrópuverkefni.
Fótbolti.net ræddi við þjálfara liðanna í gær og spáum við einni breytingu á hvoru liði.
Spurningamerkin hjá Val eru talsvert fleiri eftir jafnteflið gegn FH um liðna helgi. Valsliðið átti ekki sinn besta leik og spurning hvort Arnar breyti aftur um leikkerfi og fari aftur í þriggja manna varnarlínu. Við hins vegar höldum okkur við fjögurra manna varnarlínu.
Fótbolti.net ræddi við þjálfara liðanna í gær og spáum við einni breytingu á hvoru liði.
Spurningamerkin hjá Val eru talsvert fleiri eftir jafnteflið gegn FH um liðna helgi. Valsliðið átti ekki sinn besta leik og spurning hvort Arnar breyti aftur um leikkerfi og fari aftur í þriggja manna varnarlínu. Við hins vegar höldum okkur við fjögurra manna varnarlínu.
Lestu um leikinn: Valur 5 - 1 Stjarnan
Við teljum að það verði ein breyting á byrjunarliðinu, Bjarni Mark Antonsson kemur inn á miðsvæðið og Adam Ægir Pálsson fær sér sæti á bekknum. Adam fór nokkuð snemma af velli gegn FH og ýtir það undir valið. Tryggvi Hrafn var hinn kosturinn í að fá smá bekkjarsetu og gæti vel verið að hann bíti í það súra epli. Svo er spurning hvort Guðmundur Andri Tryggvason fái kallið.
Stjarnan vann öruggan 5-0 sigur gegn KA í síðustu umferð og við spáum einungis einni breytingu á byrjunarliðinu. Guðmundur Kristjánsson tekur út leikbann og eins og Jökull Elísabetarson sagði í viðtalinu í gær þá kemur Daníel Laxdal inn í liðið.
Athugasemdir
