Ísland gerði 1-1 jafntefli við Austurríki í undankeppni EM 2025. Sterkt stig á erfiðum útivelli en stelpurnar okkar mega alveg vera svekktar eftir að hafa vaðið í færum.
Hér fyrir neðan má sjá einkunnagjöf Fótbolta.net úr leiknum.
Hér fyrir neðan má sjá einkunnagjöf Fótbolta.net úr leiknum.
Lestu um leikinn: Austurríki 1 - 1 Ísland
Fanney Inga Birkisdóttir - 6
Var aðeins óöruggari í þessum leik en þeim síðustu. Komst samt vel frá þessu. Var næstum því búin að verja vítaspyrnuna.
Guðný Árnadóttir - 5
Allt í lagi varnarlega og frekar ósýnileg sóknarlega. Var pirruð og fékk ódýrt gult spjald.
Glódís Perla Viggósdóttir - 8
Át allt sem kom til hennar í vörninni, að venju. Leiðtoginn í vörninni og sýndi mikla ábyrgð þegar hún fór á vítapunktinn og skoraði af öryggi. Kannski þurfum við bara að henda henni í framlínuna, það öruggt var vítið. Fyrirliðinn frábæri.
Ingibjörg Sigurðardóttir - 7
Stóð sína plikt vel. Var mun betri á boltanum í seinni hálfleiknum sem var gaman að sjá.
Guðrún Arnardóttir - 5
Var í basli í fyrri hálfleiknum og leit ekki vel út í vítaspyrnunni. Óx inn í leikinn en hún var klaufi að skora ekki eitt og jafnvel tvö mörk í þessum leik. Var mjög flott á lokasprettinum í leiknum.
Alexandra Jóhannsdóttir - 6
Gaf klaufalega vítaspyrnu en var sterkari í seinni hálfleiknum og sótti víti hinum megin. Sýndi karakter.
Hildur Antonsdóttir - 7
Hildur skilaði því sem hún skilar alltaf; baráttu og einvígi. Má stundum alveg skila boltanum betur frá sér en er frábær án bolta.
Diljá Ýr Zomers - 6
Var mjög lífleg í sóknarlínunni og var dugleg án bolta. Hefði átt að nýta færin sín betur, sérstaklega það sem hún fékk í fyrri hálfleiknum.
Karólína Lea Vilhjálmsdóttir - 7
Töframaður með boltann. Var að galdra þegar hún fékk tækifæri til þess og hún verðskuldaði stoðsendingu.
Sandra María Jessen - 6
Er sjóðandi heit í deildinni heima en hún skilaði sínu bara ágætlega í dag. Var óheppinn að skora ekki og var dugleg án bolta.
Sveindís Jane Jónsdóttir - 6
Gaf af sér gríðarlega orku og skapaði vandræði fyrir varnarmenn Austurríkis. Eins og aðrir leikmenn í íslenska liðinu þá hefði hún átt að skora. Er svo mikilvæg þessu liði.
Varamenn:
Hlín Eiríksdóttir - 6
Ólöf Sigríður Kristinsdóttir - 6
Athugasemdir