„Gott að vinna, fyrsti sigur í deildinni og gott að ná því í gegn í dag." Segir Sigurvin Ólafsson, Þjálfari Þróttar, eftir 5-0 sigur gegn ÍR.
Sigurinn var stór og enginn spurning hvorum meginn þetta myndi lenda.
„Þetta var í raun jafn leikur framan af en fyrsta markið hefur klárlega áhrif á leikinn. Þeir fengu dauðafæri til að jafna en við skorum strax 2-0. Svo var þetta keppnin um fræga þriðja markið og við héldum pressunni áfram í seinni hálfleik og kláruðum þetta."
„Í okkar fyrri leikjum höfum við átt fína leiki en ekki náð að skora. Það var meiri ákefð í okkur en fyrr í sumar. Við fáum extra kick við það að komast yfir í fyrsta sinn í sumar."
Þetta var fyrsti deildarsigur Venna sem þjálfari Þróttar.
„Það var óþæginlegt að maí var að klárast án sigurs en við náðum að ná inn sigri í dag."
„Eins og mótið er að spilast eru liðin svipuð og allir geta unnið alla. Við getum líka unnið alla. Ég er ekki hræddur við neinn í þessari deild en það er erfiður leikur í hverjum einasta leik."
Athugasemdir