Aron Sigurðarson var á eldi í dag
Fjölnismaðurinn Aron Sigurðarson er ekki lengi að stimpla sig inn í danska B-deildarfélagið Horsens en hann gerði fjögur mörk í 8-0 sigri í bikarnum í dag.
Aron kom til Horsens frá belgíska úrvalsdeildarfélaginu Union Saint Gilloise á dögunum og hefur þegar spilað þrjá leiki í dönsku B-deildinni en ekki tekist að skora.
Hann var ónotaður varamaður gegn Lyngby á dögunum en nýtti heldur betur tækifærið í dag og skoraði fjögur mörk.
Aron var mikil ógn í sóknarleik Horsens. Hann skoraði fyrstu tvö mörkin í fyrri hálfleik og bætti við tveimur til viðbótar í þeim síðari.
Horsens er komið áfram í 32-liða úrslit bikarsins.
Athugasemdir
