Ítalski fótboltafréttamaðurinn Fabrizio Romano segir að Arsenal sé búið að opna viðræður við Bologna um ítalska varnarmanninn Riccardo Calafiori.
Calafiori sló í gegn með Bologna á síðustu leiktíð er liðið hafnaði í þriðja sæti Seríu A.
Þessi 22 ára gamli miðvörður er einn mest spennandi varnarmaður Evrópuboltans um þessar mundir en miklar líkur eru á því að hann sé að ganga í raðir Arsenal.
Romano segir að Arsenal hafi opnað viðræður við Bologna um kaup á leikmanninum en hann er falur fyrir um 42 milljónir punda.
Ítalski landsliðsmaðurinn er áhugasamur um að fara til Arsenal og hefur þegar gefið grænt ljós á skiptin.
Arsenal er að vinna að því að klára viðræðurnar sem allra fyrst en Chelsea og Liverpool hafa einnig verið orðuð við leikmanninn.
Athugasemdir