Guðrún var ekki með í seinustu tveimur leikjum liðsins vegna meiðsla en var mætt aftur í byrjunarliðið gegn Vittsjö.

Hún lék allan leikinn í hjarta varnarinnar og hélt hreinu.

Rosengård hefur unnið alla fimmtán leiki sína í deildinni og er nú með 45 stig á toppnum, níu stigum á undan næsta liði.

Hlín Eiríksdóttir, Guðný Árnadóttir og Katla Tryggvadóttir byrjuðu allar í 2-0 tapi Kristianstad gegn Norrköping.

Kristianstad er í 4. sæti með 26 stig, sjö stigum frá Meistaradeildarsæti.