Julian Nagelsmann, þjálfari þýska landsliðsins, er farinn að spila hugarleiki við Spánverja svona rétt fyrir stórleik þjóðanna í 8-liða úrslitum Evrópumótsins í kvöld.
Spánn og Þýskaland hafa án nokkurs vafa verið bestu lið mótsins til þessa.
Hinn 16 ára gamli Lamine Yamal hefur verið fastamaður í byrjunarliðinu og er þegar kominn með tvær stoðsendingar á mótinu ásamt því að hafa skapað haug af færum fyrir sig og liðsfélaga sína.
Nagelsmann var spurður út Yamal á blaðamannafundi í gær.
„SJáum hvernig hann bregst við þegar hlutirnir verða erfiðir. Það er ekki hægt að verjast honum fullkomlega, en einbeiting mín er meira á Jamal Musiala frekar en Yamal. Við getum líka gert eitthvað í sóknarleiknum,“ sagði Nagelsmann.
Leikurinn hefst klukkan 16:00 og er í beinni útsendingu á RÚV.
Athugasemdir