Pepe varð elsti leikmaðurinn til að spila í úrslitakeppni Evrópumótsins á dögunum.

Það er ekki á hverjum degi sem maður sér mann á þessum aldri byrja á stórmóti en hann stóð sig nokkuð vel svona miðað við allt.

Á köflum var hann klaufalegur en baráttan var til staðar og stundum þarf ekki meira.

Ronaldo huggaði Pepe eftir tapið gegn Frökkum. Þetta var síðasta Evrópumót þeirra, en það er aldrei að vita nema þeir haldi áfram og verði með á HM sem fer fram eftir tvö ár.

Pepe mun tjá sig á næstu dögum varðandi framtíðina en þetta var ekki rétta augnablikið til þess.

„Knúsið frá Ronaldo var þýðingarmikið. Þetta er ekki rétti tíminn til að ræða því þetta er mjög sársaukafullt. Við erum eins og bræður og munum tala um þetta síðar,“ sagði Pepe við fjölmiðla.