„Þetta er svo skrítið. Þeir eru með svo geggjaðan hóp en það er eins og þeir passi bara ekki saman," sagði Kristín Dís Árnadóttir, leikmaður Bröndby og íslenska landsliðsins, í EM hringborðinu í vikunni þegar rætt var um enska landsliðið.
England mætir Sviss í átta-liða úrslitunum á EM í dag en frammistaða enska liðsins hefur alls ekki verið góð á mótinu. Þeir voru nokkrum sekúndum frá því að falla úr leik gegn Slóvakíu í 16-liða úrslitunum.
England mætir Sviss í átta-liða úrslitunum á EM í dag en frammistaða enska liðsins hefur alls ekki verið góð á mótinu. Þeir voru nokkrum sekúndum frá því að falla úr leik gegn Slóvakíu í 16-liða úrslitunum.
Orkan í liðinu hefur verið skrítin og mikill þungleiki yfir öllu einhvern veginn.
„Þetta eru eins og LEGO-kallar þarna inn á, það er engin kemistría á milli þeirra. Orkan er eitthvað slæm. Það er eins og Southgate sé hræddur að gera breytingar og skiptingar. Hann er endalaust á handbremsunni," sagði Ásta Eir Árnadóttir í þættinum.
Það er talið að Gareth Southgate, þjálfari Englands, muni gera breytingar á kerfinu fyrir leikinn í dag. Hann fari í þriggja manna vörn með vængbakverði. Enskir miðlar segja frá því að Bukayo Saka verði í vinstri vængbakverði og annað hvort Kieran Trippier eða Trent Alexander-Arnold verði hægra megin. Samkvæmt nýjustu fréttum mun Trippier byrja.
„Southgate þarf að þora að rótera betur. Minn maður Trent þarf að fá sínar mínútur," sagði Ásta og bætti við: „Hann er skapandi og þorir að gera eitthvað."
Alexander-Arnold var í byrjunarliði Englands í fyrstu tveimur leikjum mótsins en var þá einn af þremur miðjumönnum. Hann er vanur því að spila í hægri bakverði hjá Liverpool og koma inn á miðjunni úr þeirri stöðu; það er hlutverk sem hann þekkir betur.
Systurnar eru ekki þær einu sem eru að kalla eftir því að Liverpool-maðurinn komi aftur inn í liðið. John Cross, yfirmaður fótboltaskrifa hjá The Mirror, vill sjá Alexander-Arnold snúa aftur í vængbakverðinum.
„Þegar var fyrst var talað um breytingu á leikkerfi, þá hugsaði ég að það væri frábært tækifæri til að koma Trent aftur á völlinn og fá það besta frá honum. Hann er besti sendingarmaðurinn og með bestu fyrirgjafirnar í hópnum," segir blaðamaðurinn virti.
Leikur Englands og Sviss í dag hefst klukkan 16:00.
Athugasemdir