Fanney Inga Birkisdóttir.
Fanney Inga eftir leikinn gegn Þrótti.
„Hún er ekki lengur efnileg, hún er frábær markvörður," sagði Pétur Pétursson, þjálfari Vals, eftir 3-0 sigur gegn Þrótti í undanúrslitum Mjólkurbikarsins. Þar var hann að tala um Fanneyju Ingu Birkisdóttur, markvörð Vals.
Fanney Inga er fædd árið 2005 en hún hefur sýnt það og sannað að hún er frábær markvörður. Hún er besti leikmaður undanúrslita Mjólkurbikarsins að mati Fótbolta.net.
Fanney Inga er fædd árið 2005 en hún hefur sýnt það og sannað að hún er frábær markvörður. Hún er besti leikmaður undanúrslita Mjólkurbikarsins að mati Fótbolta.net.
Fanney, sem er aðalmarkvörður landsliðsins, ræddi aðeins við Fótbolta.net í dag en hún tók á móti verðlaunum frá Mjólkursamsölunni í leiðinni.
„Þetta var fínn leikur, gott að ná í sigur og komast á Laugardalsvöll," sagði Fanney um sigurinn gegn Þrótti í undanúrslitunum.
„Þróttararnir voru sprækir og gáfu okkur alvöru leik. Ég þurfti að hafa fyrir mínu. Við nýttum okkar fær og uppskárum eftir því. Það er alltaf gaman að halda hreinu og ég var sátt með mitt."
Fanney var mjög öflug í leiknum en Valur mætir Breiðabliki í úrslitaleiknum í Laugardalnum þann 16. ágúst næstkomandi. Fram að því eru mikilvægir leikir hjá Fanneyju með Val og landsliðinu.
Það má segja að þetta sé draumaúrslitaleikur þar sem þetta eru tvö bestu lið landsins; þau eru núna jöfn á toppnum í Bestu deildinni.
„Það er alltaf gaman að spila bikarúrslitaleik og gaman að það séu tvö bestu lið landsins að mætast," sagði Fanney.
Allt viðtalið má sjá í spilaranum hér að ofan.
