Lamine Yamal, leikmaður Barcelona og spænska landsliðsins, jafnaði stoðsendinga met landsliðsins á stórmóti er hann lagði upp fyrra mark liðsins í 2-1 sigri á Þýskalandi í 8-liða úrslitum mótsins í gær.
Þessi 16 ára gamli vængmaður hefur tekið mótið með stormi en þrátt fyrir ungan aldur hefur hann verið með bestu mönnum mótsins til þessa.
Hann lagði upp þriðja mark sitt á mótinu er hann sendi boltann fyrir Dani Olmo sem skoraði með góðu skoti í vinstra hornið.
Þar með hefur hann jafnað stoðsendingametið á einu og sama Evrópumótinu.
Cesc Fabregas lagði upp þrjú mörk á EM 2008 og þá afrekaði David Silva það fjórum árum síðar. Olmo lagði þá upp þrjú á EM 2021.
Yamal getur bætt metið er Spánn mætir Frakklandi í undanúrslitunum. Liðin eigast við á þriðjudaginn.
4 - Lamine Yamal is the fourth #Spain player ???????? to make three assists in the same edition of an European Championship after Cesc Fàbregas (2008), David Silva (2012) and Dani Olmo (2021) - none with 4 - and more than any other nation (4 also from Netherlands). Golden.#EURO2024 pic.twitter.com/2j6KWKH2rF
— OptaJose (@OptaJose) July 5, 2024
Athugasemdir
