Það er rosalegur dagur framundan á Evrópumótinu í Þýskalandi þar sem átta-liða úrslitin hefjast með tveimur leikjum. Tvö skemmtilegustu lið mótsins eru að fara að mætast í fyrri leik dagsins klukkan 16:00.
Spámenn Fótbolta.net eru Gunnar Birgisson og Jóhann Páll Ástvaldsson, íþróttafréttamenn á RÚV, en þeir hafa báðir verið frábærir í umfjöllun í kringum mótið. Þeir spá um úrslit allra leikja í útsláttarkeppninni ásamt fulltrúa Fótbolta.net. Fyrir hárréttar lokatölur fást 3 stig en 1 stig ef rétt tákn er á leiknum.
Spámenn Fótbolta.net eru Gunnar Birgisson og Jóhann Páll Ástvaldsson, íþróttafréttamenn á RÚV, en þeir hafa báðir verið frábærir í umfjöllun í kringum mótið. Þeir spá um úrslit allra leikja í útsláttarkeppninni ásamt fulltrúa Fótbolta.net. Fyrir hárréttar lokatölur fást 3 stig en 1 stig ef rétt tákn er á leiknum.
Jóhann Páll Ástvaldsson
Spánn 1 - 2 Þýskaland
Leikurinn sem allir vilja sjá - en enginn á þessum tímapunkti! Galið að annað hvort liðið sé á leið heim. Bæði lið koma til að spila í dag, Lindar Lúðvík og Nagelsmaðurinn eru pjúristar.
Við fáum leik sem er skemmtilegur áhorfs en vantar að reka smiðshöggið á sóknirnar. Musiala skorar eftir varnarmistök Robin le Normand en Olmo jafnar metin með trylltu skoti. 1-1 eftir venjulegan og Þjóðverjar skora sigurmarkið í framlengingu. Rüdiger skorar af harðfylgi á sínum gömlu heimahögum í Stuttgart.
Gunnar Birgisson
Spánn 2 - 2 Þýskaland
Langstærsti leikur mótsins og í raun úrslitaleikur. Tvö bestu liðin á mótinu og þetta verður listgjörningur í 120 mínútur og svo vító sem Þýskaland vinnur. Neuer ver tvær.
Fótbolti.net - Sölvi Haraldsson
Spánn 2 - 3 Þýskaland
Jæja loksins fáum við geggjaðan leik á þessu móti. Hágæða lið sem vilja skemmta okkur. Yamal setur alltaf eitt og Havertz er líklegur af punktinum. Fullkrug hins vegar klárar þetta fyrir heimamenn í framlengingu og allt gjörsamlega tryllist!
Staðan:
Gunni Birgis - 10 stig
Fótbolti.net - 6 stig
Jói Ástvalds - 5 stig
Athugasemdir