Alvaro Morata, sóknarmaður spænska landsliðsins, verður ekki í banni í undanúrslitum Evrópumótsins en þetta fullyrðir MARCA.
Í útsendingunni var greint frá því að Morata væri á leið í bann eftir að hafa fengið gult spjald í kringum sigurmark Spánverja.
MARCA segir þetta ekki rétt. Mistök voru gerð í útsendingunni og fékk Morata aldrei þetta umtalaða spjald.
Einnig var greint frá spjaldinu í lýsingu UEFA, fótboltasambands Evrópu, en færslan hefur verið tekin úr lýsingunni.
Morata verður því til taks í undanúrslitunum, sem er auðvitað mikilvæg, þar sem Morata gegnir hlutverki fyrirliða.
Spánn mætir Frakklandi eða Portúgal í undanúrslitum en staðan þar er markalaus þegar nokkrar mínútur eru til leiksloka.
Athugasemdir