Debast er tvítugur miðvörður sem er talinn með efnilegustu miðvörðum Belgíu.

Þrátt fyrir ungan aldur hefur hann spilað tæplega hundrað leiki fyrir Anderlecht og er þá fastamaður í belgíska landsliðshópnum.

Hann á 10 A-landsleiki fyrir Belgíu, þar af tvo á Evrópumótinu í Þýskalandi.

Sporting náði samkomulagi við Anderlecht um kaup á Debast í síðasta mánuði en félagið greiðir um 18 milljónir evra fyrir leikmanninn.

Debast var einnig orðaður við Napoli og West Ham en Meistaradeildin heillaði varnarmanninn sem er nú mættur til Sporting.