Spænski vinstri bakvörðurinn Sergio Gomez er á förum frá Manchester City en hann er að semja við Real Sociedad á Spáni. Þetta kemur fram í frétt Relevo í dag.
Gomez hefur verið í aukahlutverki hjá Man City frá því hann kom frá Anderlecht fyrir tveimur árum.
Hann lék 24 leiki á fyrsta tímabili sínu hjá enska félaginu en aðeins fimmtán leiki á síðustu leiktíð.
Relevo segir hann nú á förum frá Man City en hann er að ganga til liðs við Real Sociedad á Spáni.
Sociedad greiðir Man City 9 milljónir evra og mun enska félagið fá 25 prósent af næstu sölu leikmannsins.
Á tveimur árum Gomez hjá Man City vann hann deildina tvisvar og Meistaradeild Evrópu ásamt því að vinna HM félagsliða og Ofurbikar Evrópu.
Athugasemdir
