Mexico 0 - 4 Uruguay
0-1 Darwin Nunez ('7 )
0-2 Facundo Pellistri ('26 )
0-3 Darwin Nunez ('44 )
0-4 Darwin Nunez ('49 )
Úrúgvæ mætti Mexíkó í vináttulandsleik í nótt þar sem leikmenn Liverpool og Manchester United komust á blað.
Úrúgvæ vann nokkuð öruggan sigur en staðan var 3-0 í hálfleik. Darwin Nunez kom liðinu yfir snemma leiks og Facundo Pellistri sem var á láni hjá Granada frá Manchester United á síðustu leiktíð bætti öðru markinu við.
Nunez skoraði sitt annað mark og þriðja mark Úrúgvæ undir lok fyrri hálfleiks og fullkomnaði þrennu sína snemma í síðari hálfleik og innsiglaði þar með sigur liðsins.
Úrúgvæ spilar á Copa America í sumar þar sem liðið mætir Panama, Bólivíu og Bandaríkjunum í riðlakeppninni.
Athugasemdir