Aston Villa er að kaupa Maatsen fyrir tæplega 40 milljónir punda, auk árangurstengdra aukagreiðslna en óljóst er hversu háar þær eru.

Maatsen er sókndjarfur vinstri bakvörður sem gerði frábæra hluti á láni hjá Borussia Dortmund á síðustu leiktíð. Þar áður var hann lykilmaður í liði Burnley sem vann Championship deildina en hann fékk lítið af tækifærum með aðalliði Chelsea.

Chelsea er á sama tíma að kaupa Omari Kellyman frá Aston Villa og mun borga um 19 milljónir punda fyrir. Kellyman er 18 ára gamall sóknartengiliður sem á leiki að baki fyrir U19 og U20 landslið Englands.