Nacho var á leið til sádi-arabíska stórliðsins Al-Ittihad en tókst ekki að semja við félagið um kaup og kjör. Þá nýttu nýliðarnir í liði Al-Qadsiah tækifærið til að bjóða Nacho viðunandi samning.

Nacho, sem er 34 ára gamall, gerir tveggja ára samning við Al-Qadsiah. Nýliðarnir hafa stór áform fyrir næstu leiktíð og hefur félagið verið orðað við ýmsar stjörnur úr evrópska boltanum.

Fabrizio Romano greinir frá því að Nacho er búinn að standast læknisskoðun hjá Al-Qadsiah og verður kynntur sem leikmaður félagsins á næstu dögum.