Vestri heimsóttu Njarðvíkinga suður með sjó í dag þegar 16.umferð Lengjudeildarinnar hélt áfram göngu sinni í dag.
Bæði lið komu inn í þennan leik á flottu skriði en Vestri hafði ekki tapað sínum síðustu sex leikjum á meðan Njarðvíkingar voru búnir að sigra sína síðustu tvo.
Lestu um leikinn: Njarðvík 2 - 0 Vestri
„Við áttum bara ekkert skilið úr þessum leik miðað við frammistöðuna okkar í fyrri hálfleik og hún var bara til skammar." Sagði Davíð Smári Lemude þjálfari Vestra eftir leikinn við Njarðvík í dag.
„Þeir fá ekki mörg marktækifæri í dag en þeir skora úr þeim og við í raun og veru bara gefum þeim það, dekkingin í seinna markinu er nátturlega bara eitthvað það lélegasta sem ég hef séð - hrikalega ósáttur með hana og líka í fyrsta markinu og þetta er bara alltof ódýrt og er eitthvað sem að við verðum að laga."
„Mér fannst þeir bara koma meira gíraðir inn í fyrri hálfleikinn, þeir unnu alla seinni bolta og við vorum langt frá þeim og þeir fóru illa með okkur á miðsvæðinu og vorum bara of langt frá mönnum og náðum ekki að klukka þá og mér fannst liðið bara ekki mæta til leiks í fyrri hálfleik."
Vestri hafa verið á flottu skriði fyrir leikinn gegn Njarðvík og náð að klifra upp í umspilsbaráttu.
„Ég met tímabilið bara þannig að við erum búnir að gefa öllum liðunum fyrir ofan okkur hörku leiki og ef eitthvað er jafnvel verið betri aðilinn í þeim leikjum en svo erum við líka búnir að tapa fyrir liðunum sem að eru þarna í kjallaranum, bæði Ægir og núna Njarðvík í dag sem eru reyndar komnir upp úr fallsætinu eftir leikinn og þetta er 'mentality issue' fyrir mér. Við höldum að við getum komið hérna og mætt svona liðum sem að eru fyrir neðan okkur á einhverjum 70% eða hvað það er og það bara virkar ekki þannig í fótbolta."
Nánar er rætt við Davíð Smára Lamude þjálfara Vestra í spilaranum hér fyrir ofan.
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
