„Já ég er ánægður með frammistöðuna. Það var ekkert 8-0 sko. Varst það ekki þú (undirritaður) sem spáðir því eða? Ég er gríðarlega ánægður með frammistöðuna hjá stelpunum. Þær lögðu allt í verkefnið og ég er ótrúlega stoltur af þeim. Það er sárt að uppskera ekkert eftir frábæran varnarleik í dag. Það er einn hluti af leiknum, það er að spila góða vörn og þær gerðu það svo sannarlega í dag. Frammistaðan virkilega góð en súrt að fá ekkert út úr þessu.“ sagði Gunnar Magnús Jónsson, þjálfari Fylkis, eftir 2-0 tap gegn Val í dag.
Lestu um leikinn: Valur 2 - 0 Fylkir
Hvað var upplegg Fylkis komandi inn í leikinn?
„Við gerum okkur grein fyrir því að við erum að spila á móti eitt af bestu liðum landsins og nýkrýndum bikarmeisturum með bullandi sjálfstraust og geggjaðan leikmannahóp. Við settum leikinn bara eðlilega upp að liggja til baka og loka vel. Mér fannst það takast vel. Varnarleikurinn hefur verið góður og líka á móti þessum liðum, Brieðablik og Val. Uppleggið var það, að sitja til baka og sækja hratt. Heilt yfir frábær frammistaða.“
Gunnar segir að stelpurnar séu súrar að hafa ekki náð að halda 0-0 út leikinn.
„Þeir eru búnar á því stelpurnar. Það fór gríðarleg orka í þennan leik. Þú sást það bara að þær lögðu líf og sál í þennan leik. Þannig þegar svo er og leggur mikið undir er þetta sárt. Það er þungt inni í klefa. Að koma hérna á Hlíðarenda og tapa 2-0 er engin skömm. Stelpurnar voru mjög súrar og svekktar inni í klefa eftir leik sem sýnir keppnisandann og hvað býr í þessum stelpum.“
Er mikil bjartsýni í hópnum að halda sér uppi í deildinni?
„Stelpurnar hafa verið frábærar. Það er hugur í þeim að fara á fullu í þessa leiki og reyna að halda félaginu í deild þeirra bestu. Við þurfum að nýta þetta og nýta það til góðs. Það er gróðarlega mikilvægt.“
Gunnar er ánægður að sjá mikilvæga leikmenn snúa til baka úr meiðslum.
„Það er jákvætt að við séum að fá leikmenn til baka. Á skýrslu er Tinna Harðar sem hefur ekki spilað síðan í 5. umferð, Amelía Rún hefur ekki spilað í sumar og þá hefur Guðrún Karítas aðeins verið í meiðslum. Hún var hvíld alveg í dag. Fanney er að koma til baka. Þetta eru allt leikmenn sem spila fram á við. Sóknarleikur hefur verið okkar sterkasta von seinustu tímabil. Við höfum náð að byggja ofan á varnarleikinn. Hann hefur verið góður. Fyrir þessa umferð voru aðeins tvö lið búin að fá á sig færri mörk en við í seinni umferðinni. Það er eitthvað sem er hægt að byggja á.“ sagði Gunnar Magnús að lokum.
Nánar er rætt við Gunnar í spilaranum hér að ofan.