„Þetta var hörku fótboltaleikur hérna. Blautt gras, smá vindur sem bauð upp á mikið af tæklingum. Ég er bara hrikalega ánægður með að við tökum þrjú stig hérna í dag.“
Sagði Haraldur Freyr Guðmundsson þjálfari Keflavíkur sem opnaði toppbaráttuna upp á gátt í kvöld með 3-2 sigri á liði ÍBV í Keflavík fyrr í kvöld.
Sagði Haraldur Freyr Guðmundsson þjálfari Keflavíkur sem opnaði toppbaráttuna upp á gátt í kvöld með 3-2 sigri á liði ÍBV í Keflavík fyrr í kvöld.
Lestu um leikinn: Keflavík 3 - 2 ÍBV
Lið Keflavíkur byrjaði leikinn í kvöld af miklum krafti og komst nokkuð sanngjarnt yfir snemma leiks þegar Mihael Mladen skoraði sitt sjötta mark í átta leikjum. Um miðbik hálfleiksins féll liðið þó nokkuð djúpt á völlinn og nýttu Eyjamenn sér það til að jafna fyrir hálfleik. Meira jafnræði var með liðunum heilt yfir í síðari hálfleik en það voru ´þó Keflvíkingar sem tóku frumkvæðið í markaskorun.
„Við byrjuðum leikinn frábærlega og stjórnuðum öllu á vellinum. Fáum svo á okkur eina skyndisókn og þeir jafna leikinn. En við töluðum svo um það í hálfleik að halda áfram að vinna fyrsta og annan boltann, þetta var bardagaleikur og við þurftum að vera ofan á í því.“
Eftir vonbrigðin gegn Þrótti í síðustu viku þar sem lið Keflavíkur tapaði á lokasekúndum leiksins reyndist Haraldi nokkuð auðvelt að gíra liðið upp í viðureign við ÍBV.
„Það þurfti ekki mikið að mótivera menn í þennan leik. Menn bara mættu tilbúnir í alvöru bardaga.“
Næst á dagskrá Keflavíkur er útileikur gegn grönnum sínum í Njarðvík næstkomandi laugardag. Bæjarhátíð Reykjanesbæjar Ljósanótt nær hámarki sama dag og má því búast við margmenni á vellinum.
„Þetta leggst mjög vel í okkur. Ljósanæturleikur og hátíð í bæ. Það verður bara gaman að takast á við Njarðvíkinga og vonandi verður fullt af fólki.“
Sagði Haraldur en allt viðtalið má sjá hér að ofan. Fréttaritari biðst afsökunar á lélegum hljómgæðum í myndbandinu sem orsakast af tæknilegum mistökum undirritaðs.
Athugasemdir