![Icelandair](/images/icelandair2_150x150px.png)
„Þessi leikur og heimaleikurinn eru svolítið miklir úrslitaleikir í þessum riðli. Eftir að hafa lent undir, þá fer maður nokkuð sátt með eitt stig til Íslands," sagði Sandra María Jessen, leikmaður Íslands, eftir 1-1 jafntefli gegn Austurríki í undankeppni EM 2025 í kvöld.
„Það er gott veganesti að spilamennskan fór upp á við eftir því sem leið á leikinn."
„Það er gott veganesti að spilamennskan fór upp á við eftir því sem leið á leikinn."
Lestu um leikinn: Austurríki 1 - 1 Ísland
Sandra, sem er markahæsti leikmaður Bestu deildarinnar, spilaði á vinstri kanti í leiknum en það var umræða fyrir leikinn hvort hún þyrfti að leysa vinstri bakvörðinn.
„Ég tók eftir því á æfingum þegar hann setti mig á kantinn en ekki í vörnina. En svo er það ekki staðfest fyrr en daginn fyrir leik. Það er gaman að fá að spila á kantinum. Auðvitað finnst mér gaman að leysa bakvörðinn líka en það hefur verið að ganga vel sóknarlega og ég hef verið að koma inn mörkum á Íslandi, og þá er auðvitað skemmtilegra að fá að spila ofar á vellinum," sagði Sandra.
„Það eru forréttindi að fá að spila fyrir Ísland og ég er alltaf jafn stolt. Vonandi fæ ég enn fleiri mínútur í næsta leik."
Hún var svekkt að ná ekki að skora. „Ég var nálægt því einu sinni og mér fannst ég eiga að gera betur. Einhvern veginn vildi boltinn ekki inn. Við þurftum miðvörðinn til að skora markið í dag," sagði Sandra en hægt er að sjá allt viðtalið hér að ofan.
Athugasemdir